" सुखाचा राजमार्ग "
************************
ओढा सिगारेट , सोडा धूर
जीवन जाते , दूर दूर

ढोसून दारू होता धुंद
अनेक मार्ग होतात बंद

तंबाखू ज्याच्या , सदा मुखी
सांगा कसा तो , होणार सुखी ?

निरोगी शरीर , देतो देव
अब्जावधींची , तीच ठेव

आयुष्य देवून , तोही बघतो
माणसासारखे , कोण जगतो

जुगार पत्ता , कवडी खेळी
खिसा रिकामा , नेमक्या वेळी

मृगजळामागे , जो जो धावे
फजित होवून , जीभ चावे

समाधान ज्याच्या , वसते मनी
आनंदाचा तोच , होतो धनी

पैसा नि शांती , गोष्टी भिन्न
उगा कशाला , व्हावे खिन्न

यात्रिक व्हावे , आनंदाचे
घडे भरावे , स्वानंदाचे !!
**********************
मुरारी
********************