सखी

दिलखुलास स्मितहास्याची झुळूक हवी,
प्रश्नार्थक नजरेची झलक हवी,
आयुष्यात आनंदाचा मोहर हवा,
सखे तुझ्या मैत्रीचा एक प्रहर हवा,
फुलाहून कोमल मन हवे,
निरागस चेहऱ्यावरचे भाव हवे,
स्नेहाची एक शिकवण हवी,
गमती जमतींची आठवण हवी,
पक्ष्यांसारखा किलबिलाट हवा,
हास्य विनोदाचा खळखळाट हवा,
जसा तेजस्वी सूर्य आसमंतात हवा,
तसा तुझ्या मैत्रीचा प्रकाश हवा,
उबदार थंडीची पहाट हवी,
तशी तुझ्या मैत्रीची लाट हवी,
मधाळ गोड आवाज हवा,
ऐकणाऱ्यांचा कान धन्य व्हावा,
मैत्रीला प्रेमाहून का कमी लेखावे,
त्याहून श्रेष्ठ मनाचे मनाशी नाते नसावे